دلونى على قبرها

قلت الوداع وجاوبت دمعة العين
تجرح بساتين الخدود النديه

واغضت وشفت بعينها الحزن حزنين
وصاحت على الفرقا انا موقوووويه

وجاوبتها ارجوك تكفين تكفين
والله دمعك يشعل النار فيه

وقالت تعاهدني عهد المحبين
الله يخون اللي يخون بخويه

قلت ابشري واللي خلقني لاتظنين
حرااااااام ماغيرك عشقت ادميه

وقصت شعرها قلت انا وش تسوين
قالت ابي من غرتي لك هديه

ونادتني الغربه على الهم والبين
احسب الايااااام روحه وجيه

وفي كل ليله ترتسم بين رمشين
خيالها بين الرومش الشقيه

غربه سنه في ذمتي غربة سنين
متى على الله يلتقي الحي حيه

خلاص هانت مابقى غير يومين
خلالالاص قفت غربة جرهديه

ورجعت شوقي في خفوقي براكين
ورجعت انا كلي لها جاذبيه

وسالت ماردوا وانا اصيح هي وين
وكل نثر من داخل العين ميه

وفي معمعة حزني تلقيت رمحين
قالوا توفت غافلتها المنيه

وفي غرغرتها ماذكرت غير حرفين
تشهد بسمك شفاه البنيه

وتزاحمت في داخلي الف سكين
والحزن يطويني ثمانين طيه

صدمه وجابتني على الارض نصفين
وشلون راحت دون ذنب وخطيه

تكفوون دلوني على القبر هالحين
ماااااعاد فيني للصبر مقدريه

ووقفت اطالع قبرها بين نصبين
وجلست اضم اغلى النصايب عليه

واصيح وش فيك يا غلا ماتردين
اشتقت همس اشفاهك النرجسيه

وش فيك جيت من السفر ماتهلين
ماهي بلك عاده ولا انتي رديه

وحاولت في لحظه جنون اجرح الدين
وازيح تربة قبرهاااااااا بيديه

وبالغصب شالوني حشا تقل مسكين
واصيح بهم والله والله والله حيه

اقفت وتاهت بي جميع العناوين
والحزن يلعب داخلي ساااامريه

ورجعت لدروب الشقا قبل عاامين
مدري من اللي صار فينا ضحيه